बुधबार, कार्तिक ०६, २०७६ | Wednesday, October 23, 2019

काठमाडौँ
प्रधानमन्त्री ओली बिहीबार बाकु प्रस्थान गर्दै   * नेपालमा चिनियाँ प्रभाव बढेको अमेरिकाको टिप्पणी   * घर भत्किँदा घाइते भएका तामाङको मृत्यु   * सलमान खानको ‘दबंग–३’को ट्रेलर सार्वजनिक (भिडियो)   * आफु भारतीय नागरिक भएको पुष्टि गर्न देवेन्द्रराज कडेलको चुनौति   * उपत्यकामा बेचिने बोत्तलको पानीमा लेदो भेटियो   * महराको मुद्धा सरकारी वकिलले नै फिर्तालिनु पर्ने अवस्थामा   * काठमाडौंको तारकेश्वर ३ मा विद्यालयको बरण्डा भत्किँदा ४२ विद्यार्थी घाइते   * राष्ट्रिय गौरवका आयोजनामा प्रधानमन्त्रीको एक्सन रुमबाटै निर्देशन   * धितोपत्र बजारः परिसूचक झण्डै आठ अङ्कले बढ्यो   *
बुधबार, कार्तिक ०६, २०७६ Wednesday, October 23, 2019
खेलकुद

काराबाओ कप : आर्सनल र सिटीको प्रभावशाली जित, टोटेनह्याम पराजित

०८-आश्विन-२०७६ | ०७:२५:०६ am

काराबाओ कपको तेस्रो चरणमा आर्सनल, म्यानचेस्टर सिटी र लिसेस्टर सिटीले प्रभावशाली जित हात पारेका छन् भने गत संस्करणको सेमिफाइनलिस्ट टोटेनह्याम पराजित भएको छ । आर्सनलले नोटिङ्घम फरेस्टविरुद्ध ५–०, सिटीले प्रेस्टनविरुद्ध ३–० र लिसेस्टरले लुटोन टाउनविरुद्ध ४–० को जित निकाल्दा टोटेनह्याम टाइब्रेकरमा पराजित भएको हो ।

घरेलु मैदान इमिरेट्समा भएको खेलमा अनुभवी खेलाडीलाई आराम दिँदै युवा खेलाडी उतारेको आर्सनलले नोटिङ्घमसँग गत वर्ष एफए कपको हारको बदला लिन सफल भएको हो । आर्सनलका लागि ग्याब्रियल मार्टिनेलीले दुई गोल गरे भने रब होल्डिङ, जोए विल्लक र रेइस नेल्सनले १–१ गोल गरेका थिए ।

यस्तै, प्रेस्टनको घरेलु मैदानमा सिटीलाई जित दिलाउन रहीम स्टर्लिङ र ग्याब्रियल जिससले समान १–१ गोल गरे । प्रिस्टनका र्‍यान लेड्सनले आत्मघाती गोल गर्दै सिटीको अग्रता तेब्बर बनाएका थिए । सबै गोल पहिलो हाफमा सम्भव भएका थिए ।

यसैगरी, लिसेस्टर सिटी पनि अवे खेलमा फराकिलो जित हार्न सफल भयो । लिसेस्टरका लागि डेमाराइ ग्रे, जेम्स जस्टिन, युरी टिलेमान्स र केलेची इहेनाचोले १–१ गोल गरेका थिए ।

यता टोटेनह्याम भने दोस्रो डिभिजनको क्लब कोल्चेस्टरसँग स्तब्ध भयो । गत सिजन काराबाओ कपको सेमिफाइनल खेलेको टोटेनह्याम र कोल्चेस्टरबिचको निर्धारित समय गोलरहित बराबरीमा सकिएपछि टाइब्रेकरबाट निर्णय भएको हो । टाइब्रेकरमा लुकास मौरा र क्रिस्टेन एरिक्सनले पेनाल्टी मिस गर्दा कोल्चेस्टर ऐतिहासिक जित हात पार्न सफल भयो ।

तेस्रो चरणकै अन्य खेलमा वाटफोर्डले स्वानसी सिटीलाई २–१ ले पराजित गर्दा पाेर्ट्समाउथविरुद्ध साउथह्याम्पटनले ४–० को शानदार जित आत्मसात गर्‍यो । स्टोक सिटी र क्रली टाउनबिचको खेल १–१ गोलको बराबरी भएपछि क्रली टाउनले टाइब्रेकरमा ५–३ को जित हात पार्‍यो । यस्तै, सेफिल्ड वेनस्डेलाई एभर्टनले २–० ले पराजित गर्न सफल भयो ।

Leave a Reply

सम्बन्धित समाचार