आजदेखि काठमाडौंमा बीमासम्बन्धी अन्तर्राष्ट्रिय सम्मेलन

काठमाडौं। बिल्डिङ रिजिलियन्स अफ इन्सुरेन्स टुर्वाड्र्स इमर्जिङ रिक्स भन्ने नाराका साथ नेपाल बीमा प्राधिकरणले २५ देखि २७ गतेसम्म काठमाडौंमा बीमासम्बन्धी अन्तर्राष्ट्रिय सम्मेलन एसियन इन्स्योरेन्स मिट आयोजना गर्ने भएको छ ।

प्राधिकरणका अनुसार सम्मेलनमा जलवायु परिवर्तन, महामारीलगायतका कारण बीमा क्षेत्रमा देखिएका जोेखिम, जोखिम न्यूनीकरणका अन्तर्राष्ट्रिय अभ्यास, जोखिम न्यूनीकरणसम्बन्धी आपसी अनुभव, जोखिम न्यूनीकरणका लागि क्षमता अभिवृद्धि र बीमा क्षेत्रको भावी गन्तव्यलगायतका विषयमा प्रस्तुतीकरण हुनेछ । सम्मेलनको आयोजनामा इन्टरनेसनल एसोसिएसन अफ इन्स्योरेन्स सुपरभाइजर९आइएआइएस०, एसियन डेभलपमेन्ट बैंक, एसेस टु इन्सुरेन्स इनिसिएटिभको सहयोग रहेको छ ।

विभिन्न देशका बीमा क्षेत्रका नियामक निकायका काम कारबाही, नयाँ-नयाँ जोखिम व्यवस्थापनका लागि बीमा कम्पनीलाई तयारी अवस्थामा राख्न नियामक निकायले निर्वाह गर्दै आएको भूमिका, नियामक निकायबीचको सम्बन्ध सुदृढीकरण, बीमा व्यवसायको स्वच्छ विकासका लागि नियामक निकायबीचको आपसी सहयोग एवं साझेदारी अभिवृद्धि, बीमा क्षेत्रलाई सबल, नवीन सोच र जवाफदेही किसिमले अघि बढाउनेलगायत विषयमा छलफल हुने आयोजकले जनाएको छ ।

तीनदिने सम्मेलनमा पहिलो दिन नेपाललगायत भारत, बंगलादेश, श्रीलंका, भुटान, कम्बोडिया, इण्डोनेसिया, माल्दिभ्स, थाइल्याण्ड, चीन (मकाओ), जोर्डन र मलेसियालगायतका देशका बीमा क्षेत्रका नियामक निकायका पदाधिकारीको सहभागिता रहने बताइएको छ ।