बिहिबार, माघ ०९, २०७६ | Thursday, January 23, 2020

काठमाडौँ
बिहेको मुखमा बेहुलाका बाबुले बेहुलीकी आमा नै भगाइदिएपछि…   * गल्ली देखि महलसम्म अनमेल विवहाका अनेक पिडा   * ५० स्टलसहित पुल्चोक क्याम्पसमा सिभिल इन्जिनियरिङ प्रदर्शनी हुने   * आज नेप्से परिसूचक ओरालो: सुधार टिकेन   * बन मासेर एयरपोर्ट नबनाऊँः पुर्व राष्ट्रपति रामबरण यादव   * नेता बानियाँद्वारा दुर्घटनाप्रति दुःख व्यक्त   * सभामुखको सपथ नखादै अग्नी सापकोटाबिरुद्ध सडकमा जन प्रदर्शन   * माग्ने बुढालाई चीट काट्यो प्रहरीले   * भकाभक मान्छे हान्ने दिपक मनाङे विरुद्ध प्रहरीमा उजुरी पर्दै   * ओली सर्वमान्य बन्ने आधार कति बलिया कति कमजोर   *
बिहिबार, माघ ०९, २०७६ Thursday, January 23, 2020
अर्थ वाणिज्य

नेपाल टेलिकमको नाफा साढे ७ खर्वले घट्यो

३०-साउन-२०७६ | ०२:४७:३० pm

नेपाल टेलिकमको नाफा ४८.६१ प्रतिशतले घटेको छ। अघिल्लो आर्थिक बर्षको भन्दा ७ अर्ब २७ करोड रुपैयाँले नाफामा गिरावट आएको हो । टेलिकम सेवामा भन्दा सम्पत्ती थुपार्नमा ध्यान दिँदा नेपाल टेलिकमको नाफामा भारि गिरावट आएको हो । कम्पनीले गत आर्थिक वर्ष १० अर्ब २० करोड रुपैयाँ नाफा गरेको छ। अघिल्लो आर्थिक बर्ष टेलिकमको नाफा १७ अर्ब ४८ करोड रुपैयाँ थियो ।

कम्पनीको विगत तीन आर्थिक बर्षदेखि टेलिकम सेवा मार्फतको आम्दानीमा गिरावट हुँदै आएको छ। अघिल्लो आर्थिक वर्षको तुलनामा दुरसञ्चार सेवा मार्फतको आम्दानी दुई अर्ब ७३ करोडले घटेको छ। कम्पनीले यस्तो सेवामार्फत ३६ अर्ब ७८ करोड रुपैयाँ आम्दानी गरेको छ। टेलिकमले यस वर्ष चार अर्ब दुई करोड रुपैयाँ लाइसेन्स शुल्क भुक्तानी गरेको छ। यसले नाफामा भारि गिरावट ल्याएको हो।

कम्पनीको अन्य आम्दानी ७.२३ प्रतिशतले बढेर ६ अर्ब ६९ करोड रुपैयाँ आर्जन गरेको छ। आम्दानीमा गिरावटसँगै प्रशासनिक खर्च भने ११ प्रतिशतले बढेको छ। गत वर्षमा यस्तो खर्च एक अर्ब ५० करोड रुपैयाँ छ। यस्तो खर्चमा कर्मचारीको तलब भत्तादेखि अन्य प्रसासनिक खर्च पर्दछ।

समग्रमा कम्पनीको खर्च १४ प्रतिशतले बढेको छ। जम्मा खर्च २४ अर्ब ६५ करोडबाट २८ अर्ब २२ करोड रुपैया पुगेको छ। पछिल्लो समय टेलिकम्युनिकेसनहरुको भ्वाइस कल मार्फतको आम्दानीमा इन्टरनेटको कारणले घट्दै आएको छ । कम्पनीको चुक्ता पूँजी १५ अर्ब रुपयाँ छ भने जगेडा कोषमा ८६ अर्ब ७३ करोड रुपैयाँ जम्मा भएको छ। कोषको उचित परिचालन गर्न नजान्दा कम्पनीको नाफामा सुधार आउन नसकेको हो।

अर्को प्रतिस्पर्धि एनसेल प्रालिले आम्दानी बढाइरहँदा सरकारी स्वामित्वको टेलिकम थलिन थालेको हो। टेलिकमले रणनीतिक साझेदारको कुरा गरेपनि प्रकृया अगाडि बढ्न सकेको छैन। सरकारी शेयर बढि भएकाले हस्तक्षेप पनि उत्तिकै रहेको छ।

टेलिकमलाई बेलैमा रणनीतिक साझेदार ल्याएर निजी क्षेत्रको प्रवेश नगराउने हो भने यो अर्को बायुसेवा निगम बन्छु टेलिकमकै एक पूर्वअधिकारीले भने, प्रविधि सुधारका लागि राजनीतिकदेखि अख्तियारसम्मको हस्तक्षेप हुन्छ। त्यसैले यसलाई निजी क्षेत्रको जिम्मा लगाउनै पर्छ।

सम्बन्धित समाचार