फिल्म ‘अगस्त्य’ ओटिटी प्लेटफर्ममा रिलिज हुने

फिल्म ‘अगस्त्य’ ओटिटी प्लेटफर्ममा रिलिज हुने भएको छ । भोलीबाट यो फिल्म एमएसएम एपमा रिलिज हुने लागेको हो । यो फिल्मलाई दर्शकले हलमा रुचाएका थिए । फिल्मको मेकिङ, कथावस्तु र कलाकारहरुको अभिनयलाई दर्शकले रुचाएका थिए । अब, ओटिटीमा पनि यो फिल्मलाई दर्शकले निकै रुचाउने अपेक्षा गरिएको छ । 

सौरभ चौधरीको निर्देशनमा तयार भएको यो फिल्ममा सौगात मल्ल, नाजिर हुसेन, मलिका महत्त लगायतका कलाकारहरुको अभिनय छ ।  बजारमा आएको छोटो समयमा नै ‘एमएसएम एप’ लोकप्रिय बनिरहेको छ । यो एप दशैंको टीकाको अघिल्लो दिन बजारमा आएको थियो । हालसम्म २ लाख भन्दा बढी पटक एप डाउनलोड भइसकेको छ । 

यो एपमा ‘बेहुली फ्रम मेघौली, दिमाग खराब, महाजात्रा र घर ज्वाई’ सार्वजनिक भइसकेका छन् । आउँदो शुक्रबार यो एपबाट फिल्म ‘फर्की फर्की’ सार्वजनिक हुँदैछ भने फिल्म ‘बगान’ पनि सार्वजनिक गर्ने तयारी गरिएको छ ।