ट्रम्पले चुनाव जितेपछि रुसी राष्ट्रपति पुटिनसहित ७० भन्दा धेरै देशका नेतासँग गरे कुराकानी

 नोभेम्बर ७ मा अमेरिकी राष्ट्रपतीय निर्वाचनमा विजयी भएपछि डोनाल्ड ट्रम्पले रुसी राष्ट्रपति भ्लादिमिर पुटिनसँग फोनमा कुरा गरेका थिए ।

वाशिंगटन पोस्टका अनुसार  उनीहरु मध्ये एकले नाम न छाप्ने सर्तमा ट्रम्पले आफ्नो फ्लोरिडा रिसोर्टबाट यो कल गरेको बताइएको छ । यस क्रममा ट्रम्पले रुसीहरूलाई युक्रेनमा युद्ध नबढाउन सल्लाह दिँदै युरोपमा अमेरिकाको ठूलो सैन्य उपस्थितिको स्मरण समेत गराए।

उल्लेखनीय कुरा के छ भने पुटिनले ट्रम्पलाई चुनाव जितेकोमा बधाई दिँदै उनीसँग वार्ता गर्न तयार रहेको बताए । उनले अमेरिका र रुस सम्बन्धलाई पुनःस्थापना र युक्रेनमा युद्ध अन्त्य गर्ने दिशामा काम गर्नुपर्नेमा जोड दिए । दुई नेताहरूले युरोपेली महाद्वीपमा शान्तिको लक्ष्यबारे छलफल गरे र ट्रम्पले युक्रेनमा युद्धको चाँडो समाधानको लागि छलफल गर्न वार्ता जारी राख्ने इच्छा व्यक्त गरे।

वास्तवमा, आफ्नो राष्ट्रपति अभियानका क्रममा डोनाल्ड ट्रम्पले युक्रेनमा युद्ध तुरुन्तै अन्त्य गर्ने बताएका थिए। यद्यपी, उनले त्यसो कसरी गर्ने भन्नेबारे विस्तृत जानकारी दिएनन् । मिडिया रिपोर्टका अनुसार यस मामिलासँग परिचित व्यक्तिहरूका अनुसा ट्रम्पले व्यक्तिगत रूपमा आफूले रुसले कब्जा गरेको केही भूभाग राख्ने सम्झौता गर्ने संकेत गरेका छन। ट्रम्पले पुटिनसँगको कुराकानीका क्रममा भूमिको मुद्दा पनि संक्षिप्त रूपमा उठाएका थिए।  ट्रम्पले बिहीबार एनबीसीलाई दिइएको जानकारी अनुसार उनले युक्रेनी राष्ट्रपति जेलेन्स्की सहित चुनाव पछि विश्वका ७० भन्दा धेरै देशका नेताहरूसँग कुरा गरिसकेका छन्।