‘सिकन्दर’ नआउँदै सलमानले घोषणा गरे ‘किक २’

काठमाडौँ, १८ असोज : लिउड अभिनेता सलमान खानले शुक्रबार फिल्म ‘किक २’को घोषणा गरेका छन् । फोटोसुटको पहिलो तस्वीर सामाजिक सञ्जालमा सेयर गर्दै उनले यसबारे जानकारी दिएका हुन् ।

फोटोमा सलमानको बडी र ड्यासिङ लुक देखाइएको छ भने यो फिल्मबाट ‘भाइजान’को धमाकेदार पुनरागमन हुने सङ्केत मिलेको छ । 

अहिले उनको फिल्म ‘सिकन्दर’लाई लिएर प्रतीक्षा भईरहेको छ भने सन् २०२४ मा सलमानका एउटा पनि फिल्म प्रदर्शनमा आएको छैन । उनको अघिल्लो फिल्म ‘टाइगर ३’ गत जुनमा रिलिज भएको थियो ।

त्यसपछि  ‘सिकन्दर’ प्रदर्शनमा आउनुपर्नेमा उनले त्यसअघि नै नयाँ फिल्म घोषणा गरेका हुन् । 

यसअघि सन् २०१४ मा ‘किक’ प्रदर्शनमा आएको थियो ।  जसबाट निर्देशक साजिद नाडियाडवाला र सलमानले ठूलो सफलता हात पारे । ‘किक’ ठूलो हिट साबित भयो । २०० करोड भारु क्लबमा प्रवेश गर्ने सलमानको पहिलो फिल्म समेत बन्यो ।