फिल्म ‘जेरी अन टप’मा अभिनेत्रीको रूपमा सुरक्षा पन्त भित्रिइन्

 फिल्म ‘जेरी अन टप’मा अभिनेत्रीको रूपमा सुरक्षा पन्त भित्रिएकी छन् । 

सुयोग गुरुङको निर्देशन बन्न लागेको सो फिल्ममा उनी मुख्य भूमिकामा अनुबन्ध भएकी हुन् । निर्माण कम्पनी अनन्या फिल्मस् र अभिनेत्री पन्तबिच बुधबार फिल्म अभिनयका लागि सम्झौता भएको हो ।

योसँगै फिल्मको कास्टिङ लाइनअप थप मजबुत भएको छ भने  फिल्म यसअघि नै अनमोल केसी, अभिनेत्री आँचल शर्मा र जसिता गुरुङ अनुबन्ध भइसकेका छन् ।

त्रिकोणात्मक प्रेमकथामा बन्न लागेको यो फिल्म  काठमाडौँ, लुक्ला र भारतको लद्धाकमा छायाङ्कन हुने बताइएको छ । 

 फिल्मको कथा हेमराज बिसीको हो । निर्माता कम्पनी अनन्या फिल्मसँग दिपक भण्डारी, रविन शेरचन र रामकृष्ठ श्रेष्ठ जोडिएका छन् भने एसोसिएट निर्मातामा ओम अग्रवाल र विवेक थापा छन् । फिल्मको स्क्रिप्टमा चर्चित कथावाचक साइग्रेस पोखरेल पनि जोडिएका छन् ।