फिल्म स्त्री २ को सफलता पछि अभिनेत्री श्रद्धा कपुरले किनिन् घर

बलिउड अभिनेत्री श्रद्धा कपुर अहिले आफ्नो फिल्म स्त्री २ को सफलतामा रमाइरहेकी छिन् । 

यो फिल्मले बक्सअसफिसमा धमाल मच्चाईरहदाँ श्रद्धाले पनि व्यक्तिगत जीवनमा कमाल गरेको खबर छ । 

मिडिया रिपोर्टहरूका अनुसार श्रद्धाले नयाँ घर किनेकी छिन् । योसँगै उनी अक्षयकुमारको छिमेकी बनेकी हुन् । हिन्दुस्तान टाइम्सका अनुसार उनले ऋतिक रोशनको अपार्टमेन्ट भाडामा लिएकी हुन् । 

यसअघि यो अपार्टमेन्टमा वरुण धवन र नताशा दलाल आफ्नी छोरीसहित सिफ्ट हुन लागेको चर्चा थियो । तर केही कारणले यो खबर सत्य हुन सकेन भने श्रद्धा अहिले सो अपार्टमेन्टमा सिफ्ट भएकी हुन् ।