२१ गतेबाट प्रदर्शनमा आउन लागेको फिल्म ‘देवी’को शीर्षक गीत सार्वजनिक

तीजको अवसर पारेर भदौ २१ गतेबाट प्रदर्शनमा आउन लागेको फिल्म ‘देवी’को शीर्षक गीत सार्वजनिक भएको छ ।

शुक्रबार सार्वजनिक गरिएको गीतमा अभिनेत्री शिल्पा मास्के मात्रै फिचर्ड छिन् । रोहित शाक्यको संगीत तथा शब्द, कम्पोज र स्वर स्वप्नील शर्माको छ । मिङ्मा डि लेप्चाको कोरियोग्राफी तथा निर्देशन रहेको गीतमा बशिष्ठ घिमिरेको छायांकन, उज्जवल जोशीको कलर तथा सन्तोष दवाडीको सम्पादन रहेको छ ।  

क्राइम थ्रिलर जनरामा निर्माण भएको फिल्मका निर्देशक सञ्जोग राई हुन् । कथा निर्देशक राईले अजय गौतमसँग मिलेर लेखेका छन् । एक्जिबिट स्टुडियोको प्रस्तुतिमा सिनेमा ‘देवी’ बनेका हो । यो सिनेमा निर्माण टिमले सार्वजनिक प्रदर्शनका लागि बाँसुरी फिल्मससँगको सहकार्य गरेको छ ।

नेपालसहित विदेशमा पनि एकसाथ प्रदर्शनमा आउने फिल्ममा शिल्पा मास्के, गौरव पहारी, नाजिर हुसेन, टीका पहारी, प्रभाकर न्यौपाने, ध्रुव कोइराला, निरिक्षा घतानी, विशाल पहारी, निरु खड्का, जीवन जंग खड्का र विकास पन्तको अभिनय रहेको छ । फिल्ममा सन्जेन थापाको एक्सन छ ।

रेमन गुरुङ र सञ्जोग राईको निर्माण रहेको फिल्मको कार्यकारी निर्माता जावेद खान तथा सह–निर्माता शिल्पा मास्के, उजेन नोर्वे गुरुङ, नारायण गुरुङ र मिलन लामा हुन् । फिल्मलाई मनोज राठी र उज्वल पौडेलले वितरण गर्दैछन् ।