सिनेमाघरमा प्रदर्शन चलचित्र ‘नांगो गाउँ’ र ‘दान्भी’ ओटिटीमा सार्वजनिक

केही अगाडि सिनेमाघरमा प्रदर्शन भएका चलचित्र ‘नांगो गाउँ’ र ‘दान्भी’ ओटिटीमा सार्वजनिक भएका छन् । चलचित्र रक्षा बन्धन र गाईजात्राको अवसर पारेर कान्तिपुर सिनेमाजले आफ्नो ओटिटीमा ल्याएको हो ।

दीपेन्द्र लामाको लेखन तथा निर्देशन रहेको ‘नांगो गाउँ’ दयाहृयाङ राई, साम्राज्ञी राज्यलक्ष्मी शाह, कर्मा र मिरुना मगरको मुख्य भूमिका छ । रूपेश तामाङको निर्देशन रहेको ‘दान्वी’मा पूजा शर्मा, कुन्साङ बोम्जनलगायतको अभिनय छ । चलचित्र गत असार ७ गतेबाट हलमा प्रदर्शन भएको थियो ।

हाल कान्तिपुर सिनेमाजमा फिचर फिल्म, अवार्ड विनिङ सर्ट फिल्म, वेब सिरिज, प्ले सिरिज र मिनी सिरिज गरी ३० ओटाभन्दा बढी प्रिमियम कन्टेन्ट सार्वजनिक भइरहेका छन् । यसलाई कान्तिपुर फिल्म एकेडेमीले सञ्चालनमा ल्याएको हो ।