बलिउड अभिनेता विक्की कौशलको फिल्म ‘छावा’ को टीजर सार्वजनिक

 बलिउड अभिनेता विक्की कौशलको अभिनय रहेको फिल्म ‘छावा’ को टीजर सार्वजनिक भएको छ । उनको यो फिल्म केही दिनयता चर्चामा रहेको छ ।

सार्वजनिक भएको टिजरमा अभिनेता विक्कीको फरक र दमदार लुक्स रहेको छ । फिल्म निर्माण टिमले टिजरसँगै प्रदर्शनी मिति पनि सार्वजनिक गरेको छ । यो फिल्म आगामी डिसेम्बर ६ तारिखमा प्रदर्शनीमा आउने भएको छ ।

फिल्ममा अभिनेता कौशलले छत्रपति शिवाजी महाराजको छोरा छत्रपति सम्भाजी महारानको भूमिका निभाएका छन् । यस फिल्ममा रश्मिका मन्दानाको पनि अभिनय रहेको छ । जो छत्रपति सम्भाजी महाराजको पत्नी यशुबाई भोंसलेका भूमिकामा देखिएकी छिन् ।

यसका साथै फिल्ममा अक्षय खन्ना, आशुतोष राणा र दिव्या दत्त पनि मुख्य भूमिकामा रहेका छन् । फिल्मलाई लक्षमण उतेकरले निर्देशन गरेका हुन् । फिल्मलाई दिनेश विजानद्वारा निर्माण गरेका हुन् ।