फिल्म ‘१२ गाउँ’ को दुईवटा नयाँ पोस्टर सार्वजनिक

अभिनेता विराज भट्टको फिल्म ‘१२ गाउँ’ को दुईवटा नयाँ पोस्टर सार्वजनिक गरिएको छ। शुक्रबार फिल्मको दुई वटा पोस्टर सार्वजनिक गरिएको हो ।

फिल्ममा विराज भट्ट आफै निर्माता रहेका छन् भने उनका छोरा समीर मुख्य भूमिकामा रहेका छन् । निर्माता तथा अभिनेता भट्ट टिजरभन्दा पहिले पोस्टर सार्वजनिक गरेका हुन् ।टिजर दुई बजेपछि सार्वजनिक गरिने जनाइएको छ । सार्वजनिक गरेको पोष्टरमध्ये एकमा विराज एंग्री लुक्समा र समीर सिक्स प्याक्ड बडीमा देखिएका छन् ।

एक्सन प्रधान रहेको यो फिल्म दसैंको फूलपाति अर्थात असोज २४ गतेदेखि प्रदर्शनमा आउने तयारीमा छ।