अभिनेता पल शाहकाे फिल्म ‘रावायण’ को टाइटल गीत सार्वजनिक

 फिल्म ‘रावायण’ को टाइटल गीत सार्वजनिक गरिएको छ । आज (मङ्गलवार) युट्युबमार्फत सो गीत सार्वजनिक गरिएको हो ।

गीतमा कलाकार पल शाहलाई शीर्ष भूमिकामा देखाइएको छ भने उनी गीतमा फरक शैलीमा प्रस्तुत भएका छन् । गीतको भिडियोमा कलाकार पूजा शर्मा र निर्देशक सुदर्शन थापालाई पनि देख्न सकिन्छ ।

भदौ २१ गतेदेखि प्रदर्शनमा आउन लागेको यो फिल्मको यसअघि पोस्टर र टिजर सार्वजनिक भइसकेको छ । पूजा शर्मा र सुदर्शन थापाले निर्माण गरेको यो फिल्मका निर्देशक सुदर्शन थापा हुन् ।

फिल्ममा पूजा र पलका अलावा प्रियंका कार्की, प्रमोद अग्रहरी, प्रकाश शाह, अर्जुन जंग शाही, शर्मिला मल्ल लगायतका कलाकारको अभिनय छ । फिल्मको कथा शिवम् अधिकारीले लेखेका हुन् भने सौरभ लामाले खिचेका हुन् ।

फिल्मले रिलिजअघि राम्रो चर्चा बटुलेको छ ।