लामो समयको ब्रेकपछि चलचित्रमा कमब्याक गर्दै राजेश हमाल

लामो समयपछि महानायक राजेश हमाल फिचर फिल्ममा देखिने भएका छन् । लामो समयको ब्रेकपछि अन्ततः राजेश फिचर फिल्ममा अभिनय गर्ने निर्णयमा पुगेका हुन् ।

निर्देशक दिवाकर भट्टराईको निर्देशनमा राजेश चलचित्रमा फर्किने भएका हुन् । अनटाइटल प्रोजेक्टमा राजेश अनुबन्ध भएका छन् । आइतबार राजेश हमालले निर्माणपक्षसँग कागजी सम्झौता पनि गरेका छन् ।राजेश र दिवाकरबीच भएको कागजी सम्झौताको तस्बिर सार्वजनिक भएको छ । अनटाइटल प्रोजेक्ट एक्सन ड्रामा हुने बताइएको छ । लामो समयपछि चलचित्रमा राजेश फर्किन लागेकाले यो सिनेमा विशेष हुने बताइएको छ ।

दर्शक र राजेश दुवैका लागि यो चलचित्र विशेष हुने पक्का छ । राजेश लामो समय चलचित्रबाट अलग हुँदा दर्शकले उनलाई ठूलो पर्दामा खोजिरहेका छन् । त्यसैले दर्शक र राजेश दुवैका लागि यो चलचित्र विशेष हुनेछ ।राजेशका लागि कमब्याक हुनेछ । राजेश सेतो पर्दामा नदेखिएको आठ वर्षभन्दा धेरै भइसकेको छ ।

चलचित्र ‘शकुन्तला’ राजेशले अभिनय गरेको पछिल्लो सिनेमा हो । त्यसयता उनले चलचित्रमा अभिनय गरेका छैनन् । ‘वाग्मती’ रिलिज भएको चार वर्षभन्दा धेरै भइसकेको छ । त्यसैले त्यसयता दर्शकले उनका सिनेमा हेर्न पाएका छैनन् ।‘वाग्मती’अघि राजेशले अभिनय गरेको चलचित्र ‘शकुन्तला’ रिलिज भएको थियो । बक्सअफिसमा ‘वाग्मती’ र ‘शकुन्तला’ दुवैले राम्रो गर्न सकेका थिएनन् ।

त्यसैले त्यसयता राजेशले कुनै पनि सिनेमामा काम गरेका थिइनन् । त्यसपछि उनी कथा र टिम सेलेक्सन गरेर मात्रै चलचित्र गर्ने निर्णयमा पुगेका थिए ।लामो समयको अन्तरालपछि राजेश दिवाकरको सिनेमाबाट दर्शकमाझ फर्किन लागेका हुन् । त्यसैले यो सिनेमा प्रतिक्षित बन्ने निश्चित छ ।

दिवाकर भट्टराई निर्देशित चलचित्र ‘मायावी’ प्रदर्शनको तयारीमा छ ।