फिल्म ‘सतीदेवी’ को ट्रेलर सार्वजनिक

लक्ष्मण सुवेदीको निर्देशनमा तयार भएको फिल्म ‘सतीदेवी’ को ट्रेलर सार्वजनिक गरिएको छ । आज (बिहीवार) युट्युबमार्फत सो फिल्मको ट्रेलर सार्वजनिक गरिएको हो ।

मलिका महतको शीर्ष भूमिका रहेको यो फिल्ममा महिला हिंसाको पाटो उजागर गरिएको छ । छोरी मात्र जन्माउँदा सिङ्गो समाजले एउटा परिवारलाई कसरी हेर्छ भन्ने कथा समेटिएको फिल्मको ट्रेलरमा देख्न सकिन्छ ।

भदौ ७ गतेदेखि प्रदर्शनमा आउने यो फिल्मलाई श्रीदेवी सुवेदी र विशाल सुवेदीले निर्माण गरेका हुन् । फिल्ममा मलिका महत, हर्षिका वली, मञ्जिला बानियाँ, सन्दीप बाबु लोहनी, कुलबहादुर अधिकारी, भोला अधिकारी, सिर्जना अधिकारी लगायतका कलाकारले अभिनय गरेका छन् ।

फिल्मको लेखन कार्य निर्देशक लक्ष्मण सुवेदीले नै गरेका हुन् ।