आज नेपाली हलमा दुई नेपाली र एक भारतीय गरी एकसाथ तीन फिल्म रिलिज

आज शुक्रबार नेपाली हलमा दुई नेपाली र एक भारतीय गरी एकसाथ तीन फिल्म रिलिज भएका छन्।

नेपाली ‘ईश्वर’ र ‘ब्ल्याक छाया’ तथा दक्षिण भारतीय फिल्म ‘रायन’ नेपाली हलमा लागेका हुन्।

राजु गिरी निर्देशित फिल्म ‘ईश्वर’ले देशप्रेमको कथा भन्छ। यसै फिल्ममार्फत अनु शाहले ५ वर्षपछि कमब्याक गरेकी हुन्।

यस फिल्ममा अनुसहित सुनील थापा, बुद्धि तामाङ, रवीन्द्र झा, माओत्से गुरुङ र शिशिर बाङ्देलले अभिनय गरेका छन्। यस्तै शुक्रबारै रिलिज आरएल लामा मोक्तान निर्देशित ‘ब्ल्याक छाया’ले पारिवारिक, सामाजिक र प्रेमकथा समेटेको छ।

यस फिल्ममा जान्ह्वी बस्नेत, नीर शाह, बुद्धि तामाङ, सलोन बस्नेत, सोभित बस्नेत, रवीन्द्र झा, सुनील थापा लगायतले अभिनय गरेका छन्।त्यसैगरी साउथ फिल्म ‘रायन’मा नित्य मेनन र प्रकाश राज मुख्य भूमिकामा छन्।

एक्सन जनराको यस फिल्मलाई धनुषले निर्देशन गरेका हुन्। फिल्मले आपराधिक अन्डरवर्ल्ड संसार देखाइएको यो फिल्ममा बदलाको कथा छ।