मस्तिष्क मृत्यु भएकाको अङ्गदानबाट १३ जनाले पाए स्वस्थ्य जीवन
![](https://snowberry.prixacdn.net/media/gallery_folder/20240625_104708_51ZRLZOnBb_mcyba9whmlfbz7ohj9nsslzzbvedxedlkyoakyozmtegtqik12uffk2b5h6g_85fQSXnYyA_vqzqotqn2ffcx2tdhwc0rcqqoampzrllafxxthemnjqggjlsu9zrggynuzn5.jpg)
काठमाडौँ, ११ असार : नेपालमा मस्तिष्क मृत्यु भएकाको अङ्गदानबाट १३ जनाले स्वस्थ्य जीवन बिताइरहेका छन् । सहिद धर्मभक्त राष्ट्रिय प्रत्यारोपण केन्द्रका कार्यकारी निर्देशक प्राध्यापक डा पुकारचन्द्र श्रेष्ठका अनुसार मिर्गाैला र कलेजो फेल भई केन्द्रमा उपचार गराउन आएकामध्ये मृतकको अङ्गदानबाट १० जनाको मिर्गाैला र तीन जनाको कलेजो प्रत्यारोपण गरिएको थियो । उनीहरु अहिले स्वस्थ्य जीवन बिताइरहेका छन् ।
स्यस्यः समाज यल इलाका नं. ८ इखाछें ललितपुरको आयोजना तथा सहिद धर्मभक्त राष्ट्रिय प्रत्यारोपण केन्द्रको सहयोगमा आज महालक्ष्मी स्थानमा आयोजित मानव अङ्गदानसम्बन्धी जनचेतनामूलक कार्यक्रममा प्रा डा श्रेष्ठले जीवित र मृत शरीरबाट निकालिएको मिर्गाैला, कलेजो र मुटु तथा अन्य अङ्ग एक हजार तीन सय जनामा प्रत्यारोपण गर्दा ९९ प्रतिशत सफल भएको जानकारी गराउनुभयो ।
“अस्वस्थ जीवनशैली, सहरीकरण र अखाद्य खानपिनका कारण मिर्गाैला, कलेजो र मुटु, क्यान्सर, श्वासप्रश्वास, मधुमेह, उच्च रक्तचापका रोग लाग्ने गर्छन्, विश्वभर हरेक वर्ष २० हजार मानिसको मिर्गाैला फेल हुने गरेको तथ्याङ्क छ”, उहाँले भन्नुभयो, “सन् २०१० मा गरिएको सर्वेक्षणअनुसार नेपालमा प्रत्येक वर्ष तीन हजारको मिर्गाैला र एक हजारको कलेजो फेल हुने गरेको तथ्याङ्क छ । मस्तिष्क मृत्युु भएकाबाट अङ्गदान गरेर फेल भएकाको जीवन बचाउन सकिन्छ ।”
उहाँले नेपालमा ७२ प्रतिशत मानिसको मृत्युु नसर्ने रोगबाट तथ्याङ्क प्रस्तुत गर्नुभयो । हैजा, मलेरिया, डेङ्गुलगायत सरुवा रोगबाट २८ प्रतिशत मानिसको मृत्यु हुने गरेको जानकारी दिनुभयो । नेपालमा अङ्ग प्रत्यारोपणको काम सन् २००८ मा वीर अस्पतालबाट भएको र शिक्षण अस्पतालबाट मिर्गाैला प्रत्यारोपणबाट सेवा सुरु भएको थियो । मिर्गाैला प्रत्यारोपण सेवाको सुरुवातमा ९० प्रतिशत सफल भएकामा अहिले शतप्रतिशत सफल भएको उहाँको भनाइ छ ।
पछिल्लो पाँच वर्षमा पाँच सय जनाभन्दा बढी मृगौला प्रत्यारोपण सफल भएको उहाँले जानकारी दिनुभयो । मस्तिष्क मृत्यु भएकाको अङ्गदानबारे थप चेतनामूलक प्रचार गर्न हरेक वर्ष जागरण अभियान सुरु गरेको उहाँले बताउनुभयो ।
नेपालमा सन् १९९८ मा नेपालमा जीवित दाताबाट सीमित नातेदारहरुभित्र मिर्गाैला प्रत्यारोपण गर्न सक्ने कानुन निर्माण गरिएको थियो । मानव अङ्ग प्रत्यारोपण ऐन २०७२ अनुसार ५१ वटा नाता पर्ने जीवित व्यक्तिहरुले अङ्गदान दिन सक्ने कानुनी व्यवस्था छ । नेपालको कानुनले मस्तिष्क मृत्यु भएका व्यक्तिको अङ्गदानबाट हुने प्रत्यारोपणलाई पनि वैधानिकता दिएको छ ।
नातेदार नपरेकाको हकमा दुई वा दुईभन्दा बढी परिवारबीच साटासाट गर्न सक्ने व्यवस्था छ । मस्तिष्क मृत्यु भएका व्यक्तिको अङ्गदान गरि प्रत्यारोपण गर्नेमा स्पेन अगाडि रहेको उहाँले बताउनुभयो । नेपालमा मस्तिष्क मृत्यु भएका व्यक्तिको अङ्गदानका लागि सम्बन्धित व्यक्तिले जीवितै रहँदा मञ्जुरी दिएको हुनुपर्छ । मृत्युु भएकाको परिवारको सहमतिमा पनि दिन पाउने कानुनी व्यवस्था छ ।
हालसम्म दुई हजार पाँच सय जनाले अङ्गदान गरिसकेका छन् । सन् २००८ मा सार्वजनिक तथ्याङ्कअनुसार ९० प्रतिशत बिरामीले मिर्गाैला फेल भएको केही महिनामा मृत्युवरण गर्ने गरेका थिए । हाल प्रत्यारोपण गरेका ९८ प्रतिशत र डायलासिस गरिरहेका ९५ प्रतिशत जीवित छन् । नेपालमा १८ वर्ष पुगेको स्वस्थ्य व्यक्तिले अङ्गदान गर्न पाउने कानुनी व्यवस्था छ । केही महिना अगाडि मात्रै ८१ वर्षका ज्येष्ठ नागरिकले आफ्नी २१ वर्षीया नातिनीलाई मिर्गाैला दान दिएर स्वस्थ्य जीवन बिताइरहनु भएको छ ।
अङ्ग प्रत्यारोपण सेवा प्रदान गरिरहेको सहिद धर्मभक्त राष्ट्रिय प्रत्यारोपण केन्द्रले सार्वजनिक बिदाका दिनसमेत सेवा प्रदान गरिरहेको प्रा डा श्रेष्ठ जानकारी दिनुभयो । स्यस्यः समाज यलका कार्यवाहक अध्यक्ष नवीनमङ्गल जोशीले जनचेतना जगाएर यसलाई व्यापकता दिइनुपर्नेमा जोड दिनुभयो ।
![खेलकुद मन्त्री विराज भक्त श्रेष्ठ कोरिया प्रस्थान](https://snowberry.prixacdn.net/media/gallery_folder/1719586279_Biraj%2520Bhakta%2520Shrestha%2520%2520korea-1200x560_xt8UgKHwEb_fcrgiqywn76snatwbxunehdq22pzdmlaupjddu7hdyq40njeh5jm2xz2x8iu_Bg1MlnLB2V_ysxckhe5ziz58dnu4rk7qn76bfhl41h6rnfm28dtqinloij0atnhubph4g4v.jpg)
खेलकुद मन्त्री विराज भक्त श्रेष्ठ कोरिया प्रस्थान
![१२ वर्षीया किशोरीलाई जबरजस्ती करणी गरेको अभियोगमा एक युवक पक्राउ](https://snowberry.prixacdn.net/media/gallery_folder/download_73ChtUSbOn_k37jclqbfyshbs4kdqov4v5sg41tmpbuarnzxttjymyuc7f3j2q3988olzpa_lW4shlzNaW_pvv3cqzjodhiqlxzohlly9w9ikfx2izdrtmzytbyzp5flaos5kzbsnzpvzdz.jpeg)
१२ वर्षीया किशोरीलाई जबरजस्ती करणी गरेको अभियोगमा एक युवक पक्राउ
![नेपाली महिला फुटबल टोलीले लेबनानमा फोर नेसन्स कप नखेल्ने](https://snowberry.prixacdn.net/media/gallery_folder/khel-2_HZ0v4B5PG8_b4ttpsqeafg5drxn8ncn9og0yeh7q0waoual8bttiwwg3ufg8dlu2lwtbot1_MdHmnaiugU_x401zgip9gpzgbbdav4yvahyzlgyngciy6wheaggnlh2whp2vgpcj04sqhqc.jpg)
नेपाली महिला फुटबल टोलीले लेबनानमा फोर नेसन्स कप नखेल्ने
![विवादका बिच नेपाल पत्रकार महासंघको निर्वाचन समितिले अन्तिम नामावली प्रकाशन](https://snowberry.prixacdn.net/media/gallery_folder/20244217304_fnj-nepal_20181028103434_oqk1zmdtnv_Js9biDuPxL_uaatuuiz2xcmucruc7yfqv0w3vk2vgo7dc6llkkqcnorsgzfkte9ik4r0o7a_MOEc07x98Q_jws63i9qbzdcwiqllnsranxpbeyzmicatelywnydnah0flgjybf2whybzrfy.jpg)
विवादका बिच नेपाल पत्रकार महासंघको निर्वाचन समितिले अन्तिम नामावली प्रकाशन
![स्लोभाकियामा रेल र बस ठोक्किँदा सातको मृत्यु](https://snowberry.prixacdn.net/media/gallery_folder/image_FfNPGbfcZF_fzvr50x1t1m0gwoa6etkoe9pcmsxw8rfjyqivpmticxkcqesi2opitinayoo_6OF8vARfMi_8llvtuncz1nxf9qws8lrfcurngy1khir5zxuitdk4q0pj2rhlcg0ddkhzetp.jpg)
स्लोभाकियामा रेल र बस ठोक्किँदा सातको मृत्यु
![ट्राफिक प्रहरीले सवारीसाधन चलाउने ४ जना यान्त्रिक अवस्था ठीक नराखी सवारीसाधन चलाउने ३५ जना चालकहरूलाई कारबाही](https://snowberry.prixacdn.net/media/gallery_folder/Traffic-Checking-file_qvjnxOXZwH_vvcr9quo3pbguabc9lmtxgxdayvcdixdpp9b5zthzm9aoy7cbi6cy9kvirjp_Ww0nfFIDhG_q5v3ehunjt22gqcpwbtjyrskyq1k0q6dh9lzob7jcqozw7vggribyox0c29m.jpg)
ट्राफिक प्रहरीले सवारीसाधन चलाउने ४ जना यान्त्रिक अवस्था ठीक नराखी सवारीसा…
![विकासमन्त्री साहले बिचौलीयाहरुको स्वार्थको कारण दुग्ध किसानहरुको बक्यौता भुक्तानी](https://snowberry.prixacdn.net/media/gallery_folder/Jwala-Kumari-Shah_H5MJNkpfGx_triahxx6ctfux3o7sl8i7fvqjmju5bqhqldvie7r2omrwjifkjmwk4rtjnf2_6g1Rs8WTWC_d2wldcndkepgxa1cc7rrwrmxnnrogbwhlsbdrlxmbgclsouxtmplcryznuma.jpg)
विकासमन्त्री साहले बिचौलीयाहरुको स्वार्थको कारण दुग्ध किसानहरुको बक्यौता भुक्…
![पूर्वउपप्रधानमन्त्री सिंह उपचारपछि स्वदेश फिर्ता](https://snowberry.prixacdn.net/media/gallery_folder/images_6yNK1RImvY_5rrtukmogr3uqtorclecdpsif56vzqbggmthiqhjfxz5xswycofsfyiu1l52_eWlVlNTSsY_zsvc6zmqpykiqbjsjxjd0qgcsbcypz27dmxcqp59xiuyp432xsmpjvghgizd.jpeg)
प्रतिक्रिया