एकडाराका इञ्जिनियर र सब इञ्जिनियरलाई तीन महिना कैद
![](https://snowberry.prixacdn.net/media/gallery_folder/bises-adalet_vO2TzmMTxj_kzdmhbhkwyasgu7sbrsqtyqomtiw79npbg0dwnnbam5kd8aqybl9arxikxjr_uAqTUNs091_2ymamcm9pff942mlbdpzulnsxdiaqvbpahtmfmgyjvo70tkkqmjsjqorslco.jpeg)
२ असार, काठमाडौं
विशेष अदालतले महोत्तरीको एकडारा गाउँपालिकाका इञ्जिनियर सुभाष पाण्डेय र असिस्टेन्ट सब इञ्जिनियर सञ्जय कुमार मण्डललाई भ्रष्टाचार मुद्दामा सजाय सुनाएको छ । उनीहरुलाई जनही तीन महिना कैद र दुई लाख ८८ हजार रुपैयाँ जरिवानाको सजाय सुनाइएको हो ।
विशेष अदालतले आइतबार गैरकानूनी लाभ लिइ भ्रष्टाचार गरेको एक मुद्दामा उनीहरुका साथै व्यवसायी राकेश कुमार रायलाई पनि सजाय सुनाएको छ । विशेषका सदस्यहरु खुसीप्रसाद थारु, रामबहादुर थापा र रितेन्द्र थापाको इजलासले यस्तो फैसला गरेको हो ।
यसै वर्ष वैशाख मध्यमा दायर मुद्दामाथि सुनुवाइ गर्दै आंशिक ठहरको फैसला भएको छ । यस मुद्दामा तीन जना दोषी पाइएका छन् भने अन्य तीन जनाले सफाइ पाएका छन् ।
एकडाराको वडा नं. १ मा आर्थिक वर्ष ०७९÷८० मा स–साना सडक ढलान गर्नका लागि रकम विनियोजन गरिएकोमा गुणस्तरहीन काम गरेर भुक्तानी दिइएको भेटिएको थियो । जसपछि अख्तियार दुरुपयोग अनुसन्धान आयोगले गत १४ वैशाखमा मुद्दा दर्ता गराएको थियो ।
गुणस्तर चेकजाँच नै नगरी सम्झौताबमोजिमको कार्य सम्पन्न भएको भनी गलत नापी किताब र प्रतिवेदनका आधारमा गाउँपालिकाले आठ लाख ६५ हजार रुपैयाँ भुक्तानी गरेको थियो । सम्झौताबमोजिम काम भए नभएकोसमेत अनुगमन नगरिएको अनुसन्धानबाट देखिएको थियो ।
यसै मुद्दाका अर्का प्रतिवादी तथा ठेकेदार राकेश कुमार रायलाई पनि सजाय सुनाइएको छ । उनीबाट दुई लाख ८८ हजार रुपैयाँ असुलउपर हुने फैसलामा छ ।
यस प्रकरणमा गाउँपालिका उपाध्यक्ष तथा अनुगमन समिति संयोजक महजबी खातुन र प्रमुख प्रशासकीय अधिकृत सरोज कुमार सिंहले भने सफाइ पाएका छन् । गाउँपालिकाको कार्यालयमा योजना शाखा प्रमुख रहेका महेन्द्र कुमार मण्डलले पनि सफाइ पाएका छन् ।
![परिवारका चार जना बगेकामा एक जनाको मृत्यु](https://snowberry.prixacdn.net/media/gallery_folder/ihahari-badi_pDk4cGQLJM_z9xpvjuco6tsd4weghroakfqjpmptxspqxrkc4fzuqxd9tmoksyr5jih17u4_ygpADt9hRu_onpbt6pssupzryvhkvrpsfvbnaxephe95c2maquyhbagdusgy8sy858fih2c.jpg)
परिवारका चार जना बगेकामा एक जनाको मृत्यु
![आज अमेरिकी डलर, युरो, मुद्राको मूल्य घटेको अस्ट्रेलियन डलर र पाउन्डको बढ्यो](https://snowberry.prixacdn.net/media/gallery_folder/Untitled-design-4_yQvdp6E0yo_xyap53faxopoqwwop34l7vrc1f4z8fp1a7iugs0ofr6ymtixat9nephpefwv_1gUKvb8cab_sgffqhzmx1vxey6fx6uppam2i4qgl8bvmrypjg1ll5chpxri2psnlebhcvmb_bhLrBbGudV_crf0s25q0lnzqlkqbguankolc3jybyxqmohfggpmga3pkh5d3zdcdasqz8ia_jZQ5r7e8bA_bg3musxmcqwil7aqrijlbt6hryl5z89kniwy7ascg2x3knluq49ohvv9rm5e.png)
आज अमेरिकी डलर, युरो, मुद्राको मूल्य घटेको अस्ट्रेलियन डलर र पाउन्डको बढ्यो
![मदिरा सेवनले वार्षिक २६ लाखको मृत्यु– डब्लुएचओ](https://snowberry.prixacdn.net/media/gallery_folder/beer-kills_cpMVYUqRPE_8hsswdnbdwzwr0naztqd3irwhvekzitqldka70gx71zc2qwnp67q0h3nhseo_8zK68EvgxQ_gqwsq5yp6uy8lbsnekwmtgobglnxmx2v49m0xyq97vu5qozszcnj7vivpz8k.jpg)
मदिरा सेवनले वार्षिक २६ लाखको मृत्यु– डब्लुएचओ
![मधेश प्रदेशका पत्रकारको स्वास्थ्य तथा दुर्घटना बीमा गरिने](https://snowberry.prixacdn.net/media/gallery_folder/health%2520insurance1672117401_jN2rrzAeB7_czywtustcses1pk7utse4sfafzbrlbtrviryoscj1xklrxryu2laq9wkxc06_BSLeTkI7ST_msmrrnxwcfynxbwqbayaagpvt8vr5cjgk56nxglp0wyu6okul7e00fkow4em.jpg)
मधेश प्रदेशका पत्रकारको स्वास्थ्य तथा दुर्घटना बीमा गरिने
![मौसम विभागका अनुसार आज सातवटै प्रदेशमा वर्षाको सम्भावना](https://snowberry.prixacdn.net/media/gallery_folder/mausam-rain_piFuffYyui_nvk3jhtrukngs6pd5avwazr9rewnv3g6oq82lubzgs1cpsk4brfmitaytdip_BSUKGp7HfK_aye2xvqn4bucevrrtxjie5wsv8b86bfbl3lot1ev6wntubagcl1t9nkspuxm.jpg)
मौसम विभागका अनुसार आज सातवटै प्रदेशमा वर्षाको सम्भावना
![सरकारले ल्यायो जनतालाई दुःख दिने कार्यक्रम](https://snowberry.prixacdn.net/media/gallery_folder/5f07d4f939497_national-ID-Card_MyIlbyoxHB_cqfxuyzakwrhkvaj7xvpuje1oq842zbx0qblslwez7abx1j0hzx9zozelbzx_CmNjpy86gA_kxaue63wkazlnotezdd8knf0thftnxrmgorrvf02uh7hlavxj2nerpegfu94.jpg)
सरकारले ल्यायो जनतालाई दुःख दिने कार्यक्रम
![जुलियन असान्ज: विकिलिक्सका संस्थापक दोषी ठहरिए पनि कसरी रिहा भए?](https://snowberry.prixacdn.net/media/gallery_folder/viber_image_2024-06-25_21-07-50-244_O7UPkIEKtd_zsutw1kcmpek4msy1lew12eelj2lkdv13u5xsgxulije2vkelbcvpmtm5iun_EQZrNFWc8g_kmbcfmygh98igkodqtucbhqkpv4twdcffx8hluncl7mm8qtfs1qnpmt8gew0.jpg)
जुलियन असान्ज: विकिलिक्सका संस्थापक दोषी ठहरिए पनि कसरी रिहा भए?
![नेताहरुको खुलेआम रुवाइले जनतासँग जोडिन्छ कि उनीहरु कमजोर देखिन्छन ?](https://snowberry.prixacdn.net/media/gallery_folder/viber_image_2024-06-25_21-08-17-202_7ngWjX0lj6_gc0jizjqxfa7jcp5gcqgls4ojtsl2ifgsveyu4xzszp3sovmxeuhqv3l1ks3_JkwOC0l0ZJ_iaugtw2ga7tynzulmgygqc8hirqalcskrfqy48tskex9rz97czu7dv8v26tg.jpg)
प्रतिक्रिया